Juoņs Eļksnis

Juoņs Eļksnis (dzims 1933 gods oktobra 21 d. Drycānu pogosta Asynovys solā) — Latgolys kulturys aktivists, zeimeigs latgalīšu gruomotlaidiejs, latgalīšu literaturys atdzimšonys vadynuotuojs.

Vuicejīs Drycānu pamatškolā. Iņteress ap gruomotom radeja aizalikšonu tikt par gruomatlaidieju. Ar paraudzeibu beidzs Reigys poligrafejis omotškolu, darejs SSRS Zineibu akademejis 2 drukaunē Moskvā. Gataviejs izlaisšonai rymtys gruomotys krīvu, anglīšu, vuocīšu, praņcīšu, arabu i kinīšu volūduos.

Piec pīsaceiguos dīnests grīzīs da Rēznis, darejs stateibys tresta kūkapdaris cehā par meistri, Rēznis 14 omotvydsškolā par latvīšu volūdys, literaturys i estetikys docātuoju, direktora vītinīku vuiceibu i pīgatavis dorbā. Aizacīs beidzs Daugpiļs pedagogiskuo instituta Filologejis fakuļtetu.

Atdzimšonys jutūnē 1990 gods apreļa mienesī Rēznē īstateja ļaudyskū organizaceju Latgolys kulturys centrys. Beja beiguse dareit latgaļu laistuve Minhenā partū vīns nu Latgolys kulturys centra snāgu beja atjaunynuot latgaļu gruomotu laisšonu. 1990 gads juņa mienesī Juoņs Eļksnis tyka par jaunīstateituos Latgolys kulturys centra laistuvis www.lkcizdevnieciba.lv vadeituoju. Jis daudzi dadarejs, kab laistuve styprynuotūs i raisteitūs. Nu īsuoku daguojs cieški meit ustobys, lelumu redigiešonys i sagatviešonys drukam i plateišonys dorba darejs pats J. Eļksnis, gruomotys drukavuotys vysaidūs mīstūs - Rēznē, Ludzā, Modyunē. Nu 1997 gods, kod Rēznē beja atdareita drukaune Latygolys druks, laistuve atroda sātvītu juos paspuornē. Niule laistuvē vysaidūs projektūs īvadynuoti 9 dareituoji.

Caur J. Eļkšņa ryupasti Rēznē izdrukavuotys vaira kai 150 gruomotu latgaļu volūdā, taipoš gruomotys ap Latgolu cytuos volūduos. Kūpeigais izlaistūs gruomotu skaits - vaira kai 450. Regularai drukavojamī laidīni latgalīšu volūdā:

• Acta Latgalica;
• Olūts;
• Tāvu zemis kaleņders.

Laidiejs pats pīrakstejs div gruomotys baļtīšu volūdā:

• Gruomotys muokslyskuo konstruiešona ("Grāmatas mākslinieciskā konstruēšana", 1996);
• Laideiba ("Izdevējdarbība", 2000).

J. Eļksnis irā Latgolys kulturys centra volda pirminīks, Latgolys tiemiešonys instituta volda bīdrys, Latgalīšu ortografejis komisejis bīdrys i Rēznis augstškolys Humanitaruo fakuļteta lektors.

Par īlicīni Latgolys kulturys raisteibā 1994 gods novembra 7 d. apduovanāts ar V ailis Treju zvaigžņu ordini.

Atraits.