Atašīnis pogosts

Atašīnis pogosts (latvīšu: Atašienes pagasts) — Krystapiļs nūvoda teritoriskais dalejums Latgolā. Pogostā dora vydsskūla, biblioteka i Romys katuoļu bazneica.

Atašīnis pogosts
Nūvods:	Krystapiļs nūvods
Centrys:	Atašīne
Pluots:	243.41 km2
Dzeivuotuoju sk. (2010):	735
Bīzeiba:	3 dz./km2

Atašīnis pogosta padūme 2012 gods pavasara mienesī

Rūbeži

Atašīnis pogosts tur rūbežu ar:

• Krystapiļs nūvoda Mežuoris pogostu;
• Leivuona nūvoda Rudzātu pogostu i Turku pogostu;
• Modyunis nūvoda Mātrainis pogostu;
• Ribinišku nūvoda Seiļukolna pogostu;
• Varakļuonu nūvoda Mūrmastinis pogostu i Varakļuonu pogostu.

Dzeivuotuoji

Atašīnis pogostā dzeivoj 735 ļauds, nu jū 86% latvīšu, 11% krīvu i 3% cytu tauteibu ļauds. Atašīnis pogostā irā pošu mozuo cylvāku bīzeiba Krystapiļs nūvodā, partū ka vaira kai 70% pogosta zemu aizjam meži i pūri.

Solys

Atašīnis pogosta ļauds dzeivoj 25 soluos. Pošys leluos solys — AtašĪne (pogosta centrys), Rejnīki, Truoškys.

Zeimeigi ļauds

• Aija Kukule — dzīduotuoja, muzykys skūluotuoja;
• Pīters Babrys — pedagogs, Baļtejis viesturis tāmātuojs trymdā ASV.

Saimisteiba

Transports i saiteibys

Pogosta teritoreju škārsoj vaļsteibys zeimebys autoceļš Jākubmīsts—Rēzne—Terehova (A12) i Kruoslova—Preili—Modyune (P62), taipoš nazcik vītejuos zeimeibys celi. Atašīnis pogostu škārsoj dzeļžaceļa lineja Krystapiļs—Sīnuoja, iz kurys irā staceja „Atašīne”.

Atašīnis pogosta teritoreju apkolpoj posta atdaļa — AtašĪne (LV-5211).

Slavvītys

• Atašīnis Suopeiguos Dīvamuotis Romys katuoļu bazneica;
• Mariņdzis piļs i muižys suods;
• Pūdarneica „Zaļbierzis”;
• Retro motociklu i senejūs formys aptārpu kolekceja;
• Teiču dobys rezervats.