Upeitis Uobeļduorzs

Meilys aiļu i dzīšmu festivaļs "Upeitis Uobeļduorzs" irā pošu vacais regularais latgaļu kulturys festivaļs. Tys nūteik kas gods rudiņa mieneša trešajā sastdīnē Upeitis Tautys nomā, Vileks nūvoda Škilbanu pogostā.

Viesture

Pyrmais festivaļs nūtyka 2002 godā, kura iniciators beja ailinīks Ontons Slyšāns. Jis izguoduoja, ka rudiņa mienesī vysapleik nūteik aiļu dīnys, tok jaunīši da jom moz staigoj. Tūlaik vīns pajiemīņs, kai daviļkt jaunīšus aiļu klauseitūs, byutu jaunīšim pošaktualajā laikā vīnā pasuocīnī salikt kūpā nazcik lītu - vysaidu stiļu muzyku, ailis i latgaļu volūdu. I vēļ ar nūsacejumu, kab vysuvaira aiļu i dzīšmu skanātu taišni latgaliski.

Itys irā sovpateigs festivaļs latgaļu volūdā, kuramā vīnuvīt skaņ ailis i muzyka. Zeimeigai, ka dalinīki pīstuov vysaidu stiļu muzyku, īskaitūt folkloru, roku i cytus. Festivaļs vēļ zeimeigs caur tū, ka jamā iz vīnys vārtuvis sasateik kai tautā zynomi muziki i alininīki, tai i suocieji. "Upeitis Uobeļduorzs" devs īdvēsmi tuoluokai raisteibai daudzejim latgaliskuos kulturys aktivistim, jaunom grupom i literatim.