[[Image:Razna_nu_Muok_k_2.jpg|thumb|250px|frame|Vierīņs nu MuokūņkolnaMuokuļkolna iz [[Test-wp/bat-ltg/Rāzna|Rāznys]] azara]]
'''MuokūņkolnsMuokuļkolns''' (aba Voļkenbergs; viesturis dokumentūs vuocyskuo pasauka ''Wolkenberg'') – kauprys [[Test-wp/bat-ltg/Latgolys augstaine|Latgolys augstainē]], Rēznis rajona MuokūņkolnaMuokuļkolna pogostā, Rāznys dobys parka teritorejā, tyvai da [[Test-wp/bat-ltg/Rāzna|Rāznys]] azara. Vyscaureigais (absolutais) augstums – 247,9 m augšuok jiuru leidzīņa. Samiereigais (relativais) augstums – 57,9 m.
MuokūņkolnsMuokuļkolns izslivs deļ skaistuo i tuoleimuo vierīņa nu juo viersyunis, deļ iz juo bejušuos Voļkenberga piļs i deļ pīstuošku, kuri sīnās ar kolnu. Turistu nūmīļuota vīta. Iz kolna apsaveramys Voļkenberga piļskrytys - izaglobuojuši piļs sorgmyura fragmenti i aizgrauduotys zamzemys īmys. Nu kolna viersyunis acim pasaruoda vierīņs iz [[Test-wp/bat-ltg/Rāzna|Rāznys]] azara.
Viesturis dokumenti līcynoj, ka Voļkenberga piļs iz MuokūņkolnaMuokuļkolna pastateita 1236 godā. Ar pili sasīta legenda viestej, ka piec Voļkenberga piļs vaļdeituoja i juo sīvys nūmieršonys plotī piļs nūvoda sovumi sadaleiti trejom jūs meitom - Rūžai, Ļucejai i Marejai. Sevkura nu muosu iz puormonuotuos zemis pasastatejuse pa jaunai pilei: Rūža - Rēzni (''Rositten''), Ļūceja - Ludzu (''Lutsin'') i Mareja - Vileki (''Marienhaus''). A nazkod vareiguo Voļkenberga piļs piec muosu nūīšonys pa druponai sakrytuse.
