Saladuks
Saladuks aba saladuka — latgaļu gavieņa laika iedīņs. Iedīņa pasauka sīnama ar vuordim "soldons" i "salynōt". Pādejū lītoj, dorūt olu, i jis zeimoj 'aplīt īsolu ar vardušu iudini kubulā'. Iudinī izškeist īsolā asūšuos cukra lītnis, i nu tuo škeistums teik soldons.
Sataiseišonys parāds
pataiseit- rudzu gryudi
- iudiņs
Vasalus rudzu gryudus sadīdzej, izkaļtej i rupai samaļ. Piečuok itūs myltus vard iudinī, cikom izīt pabīzs vyrums, leidzeigs keiseļam voi marmeladam. Jam labi vīņ soldona garža. Ād vīnu pošu voi kūpā ar rupu maizi. Var ēst ar pīnu.