Rēzne (upe)
Rēzne, Rēznis upe (latv.: Rēzekne) — upeite Latgolys vydyskajā daļā, Rēznis nūvodā. Iztak nu Rāznys, izavej par Rēznis mīstu i ītak Lubuonā. Taipoš tak par Kaunatys, Čornuos, Greiškānu pogostim, taisa Audreņu i Ūzulmuižys pogostu rūbežu, Kaņtinīku i Sakstygola pogostu rūbežu, tak par Rykovys pogostu i vysa golā taisa Gaigalovys i Nagļu pogostu rūbežu.
| Rēzne | |
|---|---|
 Rēznis upe Rēznē | |
 | |
| Kulturviesturiskais nūvods | Latgola |
| Iztaka | Rāzna |
| Ītaka | Lubuons |
| Baseina vaļsteibys | Latveja |
| Satecis baseins | 2025,7 km² |
| Cartecis vaļsteibys | Latveja |
| Iztakys augstums | 163,3 m vjl |
| Nūkritīņs | 71 m |
| Vydyskais puorteciejums | 5,5 km³/s |
| Gods puorteciejums | 0,2 km³ |
| Zeimeiguokuos datakys | Malta (upe), Lyužonka |
| Leluokuos upsolys | 9 |
| Dzeivojamys vītys upmalē | Stolerova, Rēzne, Rykova |
| Cytys pasaukys | (latvīšu: Rēzekne) |
Upis garums 116 km, baseins 2066 kv. km. Viersupei i vydsupei soveiga trapeciska upleja ar nazcik napalelom iudiņturem i patmaļmuorkim. Zamupe pi Lubuona apstateita dambom, ite datak daudzi iudiņa. Rēznis upē laižami vydā iudini nu Nagļu zyvsaimesteibys muorku, zamyn jūs pa kanalu Rēznē ītak iudiņs nu Maltys upis.
Puorteciejums Rēznis upē zamyn Rēznis mīsta vydyskai 5,5 m3/s. Div reizis par godu - pavasar i juļa mienesī iudiņa puorteciejums teik div reizis leluoks par vydyskū vierteibu. Pošmozais puorteciejums septembra mienesī – 9 reizes mozuoks kai gods vydyskais.