Rēzeknis Tehnologeju akademeja
Rēzeknis Tehnologeju akademeja (latvīšu: Rēzeknes Tehnoloģiju akadēmija; pyrmuok Rēzeknis Augstskūla (Rēzeknes Augstskola)) — ūtrais pa lelumam vuiceibys īstots Latgolā, vīna nu diveju Latgolys augstskūlu (sūpluok Daugpiļs universiteta).
Viesture
pataiseit- 1921. gods – īstateits Rēzeknis Augstskūlys pyrmaguojiejs – Rēzeknis skūluotuoju insttituts, piečuok puorsaukts Rēzeknis pedagogiskuos skūlys.
- 1988. gods – leidza ar latgalīšu kulturyskū atdzimšonu ceļās dūms sataiseit Latgolā augstskūlu. Iniciativu atspaidoj Latvejis tautys fronts, Rēzeknis pošvolds, Latvejis universiteta vierseiba.
- 1990. gods – īstateits Latvejis universiteta Latgolys filials, studejis suoc pyrmī 100 studentu (pa ekonomikys i filologejis studeju tecīnim).
- 1991. gods – Latgolys filials daboj nūtaleju studeju ustobu (Rēzeknē, Atbreivuošonys alejā 90), cīšuok komplektejami augstskūlys vuiceibspāki, taisoma materialiskuo baza.
- 1992. goda juņa mienesis – Latgolys mīstu i rajonu pīstuovu sasatikšonā ar tūlaicejū Latvejis vuceibys ministri Jāni Vaivadu otkon pasadzierst dūms ap sovrūču augstskūlu.
- 1992. goda augusta 28. dīna – Pyrmais pasauļa latgalīšu sabraukums pījam rezoļuceju ap Rēzeknis Augstskūlys īstateišonu kai regiona vuiceibys raisteibys prioritetu. Sataisoma dorba grupa jaunuos augstskūlys koņcepcejai sastateit. Caur Pasauļa breivūs latvīšu apvīneibys, Latvejis vuicebys ministrejis, Rēzeknis pošvolda atspaidu jaunuos augstskūlys projekts īdzeivynojams labtik eisā laikā.
- 1993. goda juļa 1. dīna – suoc dareit Rēzeknis augstskūla kai sovrūčs vuiceibys īstots.
- 1994. goda augusta 23 dīna – Ministru kabinets apstyprynuoj Augstskūlys Satversmi.
- 1999. gods – Rēzeknis augstskūla daboj naterminātys vydtautyskuos akreditacejis.