Pekkoļs

Pekkoļs (lītaunīku: Pikulas), suokūtnieji Patols, — nuovis dīvs i myrušū vaļsteibys — pazemis — valdnīks pryušu mitologejā. Vīns nu trim golvonajim pryušu dīvim. Videvuta korūgā Pekkoļs attāluots kai vacs vecs, ītierpīs malnā vai sorkonā tārpā ar myrūņa druonu iz golvys. Vacais Stenders sovā skaidrūjūšojā latvīšu-vuocu vuordneicā pīminēje sanū latvīšu dīveibu Pekolu — gaisa goru, eļņis, tymsis i aptymsumu dīvu nu kura i cieļīs vuords „pekļe” jeb eļņe. Lītaunīku volūdnīku skaidrojumā, vuorda Patols ciļme nuok nu pa- („pi”) i tula (zeme).