Opinku Valna ola

Opinku Valna ola — geologiskys dobys pīminieklis Rēznis nūvoda Nautrānu pogostā.

Ola irā 1 km iz DV nu Rasnupļu solys, Zušupeitis lobuos molys pīslaitē pret Opinku piliskolnu. Koordinatys: N 56°42'19,8" E 27°22'00,4". Preteimā upis molā – Opinku piliskolns.

Ar olūtvapnu sacementāta kvartara žvyra blučs, zam kura pasadarejuse lāva ola. Pyrma 1991 godā padareituos teireišonys zam 4 m plotuo i 1,5 m augstuo konglomeratu bluča redzējuos apmāram 25 cm augsta sproga. Ola volgona, pavasar net pylduos ar iudini. Grīsti i sīnys ar izcylom i sprogom. 5 – 6 cm gari stalaktiti.

Niulejī māri:

• augstums – ap 1 m;
• dzilīne – ap 3,5 m;
• plotums – da 2,7 m;
• zamzemis pluota vydums – da 2,7 m.

Opinku Valna ola literaturā pīmynāta nu 1925 gods. Pa pīstuoškim, olā globojūtēs Valna nauda, jū sorgojs malns suņs.