Maltas specialo internatpamatškola

Maltas specialo internatpamatškola ir Rezeknis nūvoda pašvaļdeibys dybynota i pakļauteibā esošo mōceibu īstōde, kuris darbeibys profils ir specialo pamatizgleiteiba bārnim ar goreigos atteisteibas trauciejumim, 1. kvalifikacejis leimeņa profesionalo izgleiteiba i interešu izgleiteiba.

Maltas specialos internatpamatškolas āka

Eisa vēsture

Maltas specialo internatpamatškola (agrōkais nūsaukums – Maltas paleigškola – internats) dybynōta 1960. goda 15. augustā. Škola ir Rezeknes nūvoda Maltā, Rozentovys īlā 9, īpretim Rozentovys Svāto Krysta pagūdynōšonas Rōmas katōļu bazneicai. Pyrmō školas āka beja nalela, calta pyrms Ūtro pasaulys kara i myusdīnōs vairs nav saglobōjusīs. 1968.godā tika izcalta jauna kūpmitņu tipa āka, kurā nu 1975.goda ir īkōrtōtys ari mōceibu klases. Nu 1999.goda školai ir strukturvīneiba Maltā, Kolnu īlā 4, kurā ir izvītōtys mōceibu klasis i internats bārnim ar smogim goreigos atteisteibas trauciejumim, taipat rehabilitacijas proceduru telpys.

Vēsturiski školas nūsaukumi:

• 1960. – Maltas paleigškola – internats
• 1996. – Maltas specialo internatškola ar orūdmōceibu gareigi atpalykušim bārnim
• 2000. – Maltas specialo bōriņu internatškola bārnim ar goreigos atteisteibas trauciejumim
• 2005. – Maltas specialo bōriņu internatpamatškola bārnim ar goreigos atteisteibas trauciejumim
• 2008. – Maltas specialo sanatorijas internatpamatškola bārnim ar goreigos atteisteibas trauciejumim
• 2009. – Maltas specialo sanatorijas internatpamatškola
• 2010. – Maltas specialo internatpamatškola.

Direktori

• 1960. – Aleksandrs Beļaks
• 1989. – Lija Korkliša
• 1990. – Ivans Bebrišs
• 2015. – Georgs Ignatjevs

Sasnāgumi

Maltas specialōs internatpamatškolas audzēkni ar dažaidim panōkumim pīsadolas golvonūkōrt specialūs školu sporta i kulturas aktivitates Latgolas regiona.

Absolventi

Nu Maltas specialos internatpamatškolas pyrmō izlaiduma – 1966.goda leidz 2016. godam pamatizgleiteibu apguva 894 audzēkni.

Izgleiteibys programys

Maltas specialaja internatpamatškola var apgyut vyspōrejōs i profesionalōs izgleiteibys programys:

• Specialōs pirmškolas izgleiteibas programa izgleitojamajīm ar goreigos atteisteibas trauciejumim (IP kods: 01015811)
• Mozōkumtauteibu specialōs pirmškolas izgleiteibas programa izgleitojamajīm ar goreigos atteisteibas trauciejumim (IP kods: 01015821)
• Specialōs pirmškolas izgleiteibas programa izgleitojamajīm ar smogim goreigos atteisteibas trauciejumim vai vairōkim smogim goreigos atteisteibas trauciejumim (IP kods: 01015911)
• Mozōkumtauteibu specialōs pirmškolas izgleiteibas programa izgleitojamajīm ar smogim goreigos atteisteibas trauciejumim vai vairōkim smogim goreigos atteisteibas trauciejumim (IP kods: 01015921)
• Specialōs pamatizgleiteibas programa izgleitojamajīm ar goreigos atteisteibas trauciejumim (IP kods: 21015811)
• Specialōs mozōkomtauteibu pamatizgleiteibas programa izgleitojamajīm ar goreigos atteisteibas trauciejumim (IP kods: 21015821)
• Specialōs pamatizgleiteibas programa izgleitojamajīm ar smogim goreigos atteisteibas trauciejumim vai vairōkim smogim goreigos atteisteibas trauciejumim (IP kods: 21015911)
• Specialōs mozōkomtauteibu pamatizgleiteibas programa izgleitojamajīm ar smogim goreigos atteisteibas trauciejumim vai vairōkim smogim goreigos atteisteibas trauciejumim (IP kods: 21015921)
• Šyutūs izstrōdōjumu ražōšonas tehnologija (IP kods: 22542021, kvalifikacija – paleigšyvējs)
• Kūka izstrōdōjumu izgatavōšona (IP kods:22543041, kvalifikacija – goldnyka paleigs)
• Ādynōšonas pakolpōjumi (IP kods: 22811021, kvalifikacija – povōra paleigs).

Ōrpusklases nūdarbeibas i interešu puļceņi

Maltas specialos internatškolas interešu izgleiteibas puļceņi:

• Rūkdorbu puļceņš „Čaklōs rūceņis” (vadeitōja – Helēna Gžibovska)
• Rūkdorbu puļceņš „Enkaustikas pamati” (vadeitōja – Marita Jaško)
• Vokali instrumentalōs muzykas puļceņš (vadeitōjs – Juris Dervanovs)
• Deju puļceņš (vadeitōja – Mārīte Bukovska)
• Kuļinarejis puļceņš „Jaunūs povōru klubeņš „Ņam, ņam”” (vadeitōja – Tatjana Surgante)
• Zīpju taiseišonas puļceņš "Zīpneica"
• Teatra puļceņš
• Duovonu taiseišonas puļceņš
• Lego modeliešanas puļceņš
• Orieņtiešonuos sporta puļceņš
• Sporta spieļu puļceņš

Tradicijis

Vysus svātkus Maltas specialaja internatpamatškola svyn kai atvērtus pasōkumus kūpā ar audzēkņu vacōkim. Kai školas tradicija jomyn koncerty, kurus bārni snādz Rozentovys bazneicā i Veseleibas i socialōs apryupes centrā „Malta”. Religiskus svātkus – Zīmassvātkus i Leldīnes – kotru godu svyn divreiz, lai īprīcynotu kotru školā pōrstōvētu konfesiju.

Daleiba storptautyskūs projektūs

Īvārojamu storptautysku projektu pīredze Maltas specialajai internatpamatškolai ir nōkūtnī. Leidz šam škola ir nūdybynōjusi partnerattīceibas ar

• Panevežas specialū školu – daudzfuncionalu centru (Panevežio specialioji mokykla – daugiafunkcis centras) Lītovā (Leitovā);
• Krasnogorodskas specialū (korekcejis) internatškolu (Красногородская специальная (коррекционная) школа – интернат для детей сирот и детей оставшихся без попечения родителей, с ограниченными возможностями здоровья) Krīvijā;
• Pleskavas apgobola ōrstnīciskōs pedagogijis i diferencētōs apmōceibas centru (Центр лечебной педагогики и дифференцированного обучения Псковской области) Krīvijā.

Maltas specialo internatpamatškola reikoj pīredzes apmaiņu ar mynātu specialū školu i centru pedagogim, kai ari organizej kūpeigus pasōkumus i nūmetnis audzēknim.

Ōrejōs saites

• Maltas specialos internatpamatškolas škārsteikla lopa
• Facebook lopa
• Youtube kanals