Malnais mežastrods

Malnais mežastrods ci malnais strods (latiņu: Turdus merula; anglīšu: Common Blackbird; latvīšu: Melnais mežastrazds; lītaunīku: Juodasis strazdas) — mežastrodiņu saimis (Turdidae) ailis putyns. Perekli taisa Pūstumu Europā, Azejis dīnavydu pusē, Afrikys pūstumūs, Australejā i Jaunzelaņdejā. Cieški sateikams putyns Latgolā i vysā Latvejā.

Malnais mežastrods
Ziniskuo klasifikaceja
Pasauļs	Dzeivinīki (Animalia)
Tips	Hordini (Chordata)
Klase	Putni (Aves)
Aiļa	Zvierbulini putni (Passeriformes)
Saime	Mežastrodini (Turdidae)
Giņts	Mežastrodi (Strix)
Škira	Malnais mežastrods (Turdus merula)
Ziniskuo pasauka
Turdus merula
Paplateiba
Malnuo mežastroda paplateiba pasaulī

Aproksts

Lela auguma strods, garumā dasnēdz kūna 30 cm, svors 80-125 gr. Tāvaini vysā malni ar spūdru oranži dzaltonu gnēzi. Muotainis i jaunuli tymsai bryuni.

Bolss

Putynam soveiga dzīsme - romona, melodiska šviļpuošona. Daudzi dzīd agrai nu reita ci vālai vokorā.

Malnuo mežastroda dzīsme

Dzeivisvīta

Dzeivoj mežūs ar bīzu pamežu, kod nakod i parkūs, bierzēs, mīstu suodūs, kur daudzi kūku, i pi solu saimisteibom. Perekli taisa naaugustu kūkūs, kryumuojūs. Vydā pakluoj sausu zuoli, sakneitis. Preklī 4-6 ūlys, perej 13-14 dīnu. Izvad div reizis par godu. Jaunuli perekli atstuoj par 13-16 dīnu.

Turdus merula merula ūlys