Kuprovys katuoļu bazneica

Kuprovys Svātuo Ignaceja nu Lojolys Romys katuoļu bazneica irā katuoļu dīvanoms Bolvu nūvoda Veiksnys pogosta Vackuprovys solā, 2,3 km nu Kuprovys pogosta padūmis. Kuprovys bazneica pīdar pi Romys katuoļu Reigys metropolejis Rēznis-Aglyunys diecezis.[1]

Bazneica 2009 gods zīmā

Parapejā dora pravests Jezups Kornaševskais.[2] Pošlelī ticeigū svātki irā Svātuo Ignata dīna.

Viesture pataiseit

Kuprovys katuoļu parapeju īstateja 1925 godā, padalūt nu Vileks i Bolvu parapejis nazcik solu. Bazneicu pastateja treis godus piečuok, 1928 godā. Natuoli nu Kuprovys dzeļžaceļa stacejis ceļamolā pastateja uoriskai gondreiž parostu kūka nomu. Nomu stateja iz augstim akmiņa pundamentim. Kairā molā sataiseja treisustobu dzeivūkli ar vyrtuvi plebanejai, a lobā molā lyugšonu nomu. Dīvanoma pastateišonu vadeja pravests Bronislavs Kivrāns. [3]

Bazneicys smiļterī pastateits krysts, pi kura vys vēļ nūteik lopu mieneša dzīduojumi Dīvamuotis gūdam.

Nūruodis pataiseit

  1. www.catholic.lv
  2. www.catholic.lv
  3. Juoņs Cakuls. Latvejis Romys katuoļu parapejis. Reiga:Reigys metropolejis kkureja, 1997. 68.lpp. (latvyskai)