Kaunotys pogosts

Kaunotys pogosts ir Rēzeknis nūvoda teritoriāluo vīņeiba tuo dīnvidaustrumūs, Rāznys azara austrumu krostā. Pogosta kūpejo plateiba — 16 994,3 ha. Dzeivuotoju skaits iz 2011. godu — 1327. 2002. godā Kaunatys sola sviņā 100 godu jubiļeju, bet piļskolni, vālo dzelzs laikmeta uzkolnu kopulaiku ļīcinoj, ka jau sanūs laikūs Kaunota beja nūvoda centrs. Rūbežojas zīmeļūs ar Stoļerovys pogostu, austrumūs ar Ludzys nūvoda Pildys i Rundēnu pogostim, dīnvidūs ar Dagdys nūvoda Azarnīkim i Andzeļu pogostim, rītumūs ar Muokūņkolna i Čornajis pogostim. Pogosta centrs atsarūn Kaunotā.

Kaunatys pogosts
Gerbs
Nūvods:	Rēzeknis nūvods
Centrys:	Kaunota
Pluots:	170 km2
Dzeivuotuoju sk. (2011):	1327
Bīzeiba:	7.8 dz./km2
Teiklavīta	www.kaunata.lv

Doba

Upis: Rēzekne, Pārtova, Orehovka. Azari – kūpā Kaunotys pogostā ir 32 azari, leluokī — Rāzna, Kanatys azars, Idzipoles azars, Partovys azars, Marguču azars, Vaišļu azars, Dubuļu azars, Joniku azars, Akminīšu azars, Silvestrinas azars, Zabeļjes azars, Antropovas azars. Kaunotys pogosts atsarūn Rāznys nacionālajā dobys parkā, pogosta teritorejā ir Lelais Ļīpukolns (289,4 m viers jiurys ļeimeņa). Īvāruojamuokī dobys pīmiņekļi — Vecslobodys piļskolns (220,1 m, viers jiurys ļeimeņa), Lelais Mukonu akmiņs (apkuortmārs 20,88 m, augstums 5 m).

Vāsture

1935. godā Rēzeknis apriņķa Kaunotys pogosta plateiba beja 244,2 km² i tajā dzeivuoja 10 028 īdzeivuotoji. 1945. godā pogostā izveiduoja Antropovas, Dubuļu, Foļvarkovys, Goveikas, Kaunatys, Marguču, Matuļu i Viršu solys padūmis, bet pogostu 1949. godā ļikvidāja. Rēzeknis rajūna Kaunotys cīmam 1954. godā pīvīnuoja Viršu solys kolhoza „Ļeņina ceļš” teritoreju, 1956. godā — likvidātūs Marguču i Dubuļu solys, 1965. godā kolhoza „30 лет октября” teritoreju pīvīnuoja Stoļerovys solij, 1981. godā pīvīnuoja Rundēnu sola teritorejas. 1990. godā solu reorganizāja par pogostu. 2009. godā Kaunotys pogostu kai admiņistrateivū teritoreju īkļuova Rēzeknis nūvodā.