Jevğēnijs Ļeonovs
Jevğēnijs Ļeonovs (krīvu: Евгений Павлович Леонов; pīdzims 1926 goda rudiņa m. 2.d, nūmyrs 1994 goda jaunagoda m. 29.d) beja padūmu kina i teatra aktīrs.
Dzeive
pataiseitDzimis Moskovā, Jevğēnijs Ļeonovs Ūtruo Pasauļa Kora laikā ar vysu saimi struodova īrūču i aviacejis ryupneicā. Piec kora beiguom, jis suoka vuiceitīs Moskovys Muokslys Teatra skūlā.[1]
Dorbs
pataiseitĻeonovs suoka sovu teatra darbeibu ar lūmom vītiejo mārūga teatrūs. Nu 1948 ļeidz 1968 godam jis uzastuoja Konstantina Staņislavska teatrī. Tod jis sešus godus beja Moskovys Vladimira Majakovska teatra aktīrs ļeidz 1974 godā, Ļeonovs puorguoja uz teatri Ļenkom. Tur jis struodova vysu sovu atļikušū teatra karjeru.[2]
Aktīra karjera kinā beja cīši darbeiga. Jis jāme daļeibu vaira nakai 100 filmuos, gon kai aktīrs, gon kai lūmu īrunuotuojs. Ļeonova zinuomuokū filmu storpā iraid taidys filmys, kai - "Veiksmys dženteļmeni", "Rudiņa maratons", "Boltkrīvejis staceja", "Kin-dza-dza!, "Premeja" i "Afoņa". Aktīra talants ļuove Ļeonovam veiksmeigi īzajust gon vīnkuoršu i jautru tālu lūmuos, gon paruodeit sevi drāmys pilnuos filmuos.[3]
Bolvys i sasnīgumi
pataiseit- 1976 - PSRS Vaļsts premeja por Vasiļa Potapova lūmu filmā "Premeja"
- 1978 - PSRS Tautys Skatuvis muokslinīks
- 1979 - itaļīšu žurnaļistu premeja por lobuokū veirīšu lūmu Venecejis kinofestivalā (filma "Rudiņa maratons")
- 1986 - Ļeņina Ordeņs