Datu puorlaidis protokols

Datu puorlaidis protokols (anglīšu: protocol, data transmission protocol; krīvu: протокол передачи данных; latvīšu: protokols; datu pārraides protokols) — diveju ītaišu sovā vydā dasarunuoti nūsacejumi ap tū, kaidam vajag byut puorlaižamūs datu formatam.

Kab nūtyktu datu puorlaide iz vyds sevkuru diveju ītaišu, jom pyrma tuo sovā vydā vajag dasarunuot ap protokolu.

Ītaisis, kurys dasarunoj ap protokolu, var byut, pīvadumam:

  • dators i drukaunīks;
  • dators i dators;
  • dators i servers;
  • dators i maršrutātivs

i leidz.

Datu puorlaidis protokols nūstota:

  • kaidu klaidu puorvēris atmeju ītaisis lītuos i voi vysā lītuos (pīv., puorvēris skaitlis, kura juo atmeja/kaida formula);
  • kaidu datu samīgšonys metodu lītuos i voi vysā lītuos (pīv., "zip" lelim failim puorsyuteit caur iņternetu, LAN voi WAN);
  • kai syuteituoja ītaise paviesteis, ka beiguse zinis syuteišonu (in a zynuošonuos davodā (Communications port) lītuos pagluobis kanalu, serejeigaji (USB) puorlaidei lītuos suoku i nūstuošonys skaitus);
  • kai dabuojieja ītaise paviesteis, ka dabuojuse zinis;
  • datu puorlaidis dreizums (bodūs voi bitūs);
  • ci puorlaide byus sihroniska, ci asinhroniska;

i leidz.

Protokolā taipoš var byut paradzāti pruoteigi pajiemīni datu puorlaidis klaidom aptikt i pareizajim datim atjaunynuot, taipoš pajiemīni datim šifrēt i atšifrēt.