Aloizs Broks

Aloizs Broks (1898—1943) beja latgaļu religiskais i ļaudyskais dareituojs, pedagogs, puorvārsuojs, redaktors. Puorvierss iz latgaļu volūdu Jaunū Īstuodejumu.

Dzims Varakļuonu pogostā, studejs teologeju Vienā, tī dabuojs teologejis doktora cylys. Bejs Aglyunys gimnazejis inspektors i direktors. Izlaids pedagogisku žurnalu „Draugs” (1928—1931), bejs žurnala „Zīdūņs” (1931—1939) redaktors.

1942 godā pajimts navaļā, nūvasts da Štuthofa koņcentracejis nūmetnes. Juo tuoluokais nūlicīņs nazynoms.

Izlaids dvēseliska turīņa gruomotys. Puorvierss nu greku originala Jaunū Īstuodejumu (I daļa: „Svātī Roksti. Jaunais Īstuodejums. Jezus Krystus Evaņgelejs i Apostolu dorbi”, 1933; II daļa: „Apostolu viestulis i Apokalipse”, 1937).

Nūruodis i olūti

Janina Kūrseite, Anna Stafecka „Latgola: volūda, literatura, folklors” („Latgale: valoda, literatūra, folklora”) Rēzne, 2003