Škeļtovys pravoslavu cierkva

Škeļtovys Svātuo Nikolaja pravoslavu cierkva (latvīšu: Šķeltovas Svātā Nikolaja pareizticīgo baznīca) — pravoslavu dīvanoms Aglyunys nūvoda Škeļtovys pogostā, Škeļtovys solys centrā. Cierkva pastateita 1836. godā ampira stilī — kvadrata forma ar četrim portikim, kas skaistyunuoti ar boltom kolonom i zamu, sferisku kupolu.[1] Sovu originalū vierīni pagluobuse da myuslaikim. Vaļsteibys sorgojamais arhitekturys pīminieklis. 1996. goda zīmys mieneša 19. dīnā, 160 godu jubilejī, cierkva īstyprynuota. Tān Škeļtovys parapejai (i vēl četrom cytom) kolpoj Tāvs Mihails.

Svātuo Nikolaja cierkva 2011. goda rudinī

Škeļtovys parapejā 35 godus darejs Tāvs Vasiiļs Nazarevskais. Jis ar sovu asketizmu i lelu padīveibu īdvāsmuojs na tik pravoslavu, a i staroveru i katuoļu ļauds. Jis nūmyrs 1909. goda jaunagoda mieneša 6. dīnā (19. dīnā pa myuslaikim) pa iudiņa svieteišonai cierkvā dīvakolpuošonys drēbuos, sūpluok nazcik pravoslavu i staroveru ļaudim. Taida padīveiga nuove ļauds cīši īdvāsmuojuse. Tāvs Vasiļs paglobuots tīpat cierkvā.[2]

Nūruodis i olūti pataiseit

  1. S. Saharovs "Pravoslavu cierkvys Latgolā" ( С. П. Сахаров «Православные церкви в Латгалии»). Autora izdavums, Reigā, 1939 Igumena Aleksandra (Matrjoņina) papiļdejums.
  2. (Krīvyskai) Škeļtovys Sv. Nikolaja pravoslavu cierkva