Atvērt galveno izvēlni

Škeļtiņu pravoslavu cierkva

Svātuo Nikolaja cierkva 2011 gods rudinī

Škeļtiņu Svātuo Nikolaja pravoslavu cierkva irā pravoslavu dīvanoms Aglyunys nūvoda Škeļtiņu pogostā, Škeļtiņu solys centrā. Cierkva pastateita 1836 godā ampira stilī - kvadrata forma ar četrim portikim, kas skaistyunuoti ar boltom kolonom i zamu, sferisku kupolu.[1] Sovu originalū vierīni pagluobuse da myuslaikim. Cierkva irā vaļsteibys sorgojamais arhitekturys pīminieklis. 1996 gods zīmys mieneša 19 dīnā, 160 godu jubilejī, cierkva īstyprynuota. Tān Škeļtiņu parapejai (i vēl četrom cytom) kolpoj Tāvs Mihails.

Škeļtiņu parapejā 35 godus darejs Tāvs Vasiiļs Nazarevskais. Jis ar sovu asketizmu i lelu padīveibu īdvāsmuojs na tik pravoslavu, a i staroveru i katuoļu ļauds. Jis nūmyrs 1909 gods jaunagods mieneša 6 dīnā (19 dīnā pa myuslaikim) pa iudiņa svieteišonai cierkvā dīvakolpuošonys drēbuos, sūpluok nazcik pravoslavu i staroveru ļaudim. Taida padīveiga nuove ļauds cīši īdvāsmuojuse. Tāvs Vasiļs paglobuots tīpat cierkvā.[2]

Nūruodis i olūtiLabot

  1. S. Saharovs "Pravoslavu cierkvys Latgolā" ( С. П. Сахаров «Православные церкви в Латгалии»). Autora izdavums, Reigā, 1939 Igumena Aleksandra (Matrjoņina) papiļdejums.
  2. (Krīvyskai) Škeļtiņu Sv. Nikolaja pravoslavu cierkva