Cyblys pogosts

Cyblys pogosts (latvīšu: Ciblas pagasts) irā Cyblys nūvoda teritoriskais padalīņs Latgolā. Pogostā dora tautys noms, vydsskūla, pyrmaskūliņs īstots, nūvoda muzejs, biblioteka Cyblā i Felicianovā, felčeru punkts i komunalsaimisteiba.

Cyblys pogosts
Nūvods:	Cyblys nūvods
Centrys:	Cybla
Pluots:	79.0 km2
Dzeivuotuoju sk. (2010):	923
Bīzeiba:	11.7 dz./km2

Viesture

Viesturiskai Eversmuižys pogosta teritoreja bejuse Ludzys apleicinī. 1925 godā pasaukts par Cyblys pogostu. 1935 godā pogosta pluots bejs 231,4 km². 1945 godā īstateita Cyblys, Franapolis, Vysnovys, Jaseņcu, Leidumnīku i Ozupinis solys padūme, a pogosts likvidāts. 1954 godā Cyblys solai daškiersta Franapolis sola, 1975 godā Ozupinis sola, a 1979 godā daļa Vysnovys i Brigu solys. 1990 godā solu reorganizej kai pogostu. 2000 godā kūpā ar Leidumnīku pogostu īstateja Cyblys nūvodu.

Rūbeži

Cyblys pogosts tur rūbežu ar:

• Cyblys nūvoda Blontu pogostu, Leidumnīku pogostu, Zviergzdiņa pogostu;
• Ludzys nūvoda Brigu pogostu i Vysnovys pogostu.

Doba

Pogosta vokoru i dīnavydu daļa irā Mudovys zamainis Sīnuojis leidzonainē, a reitu daļa Latgolys augstainis Būrzovys kauprainē. Pogosta pošu augstuo kaupre 172,7 m vjl pi Vabaļu solys.

Iudini

Upis:

• Iļža
• Soltupeite

Iudiņtveris:

• Felicianovys iudiņtvere

Pūri i peisi:

• Akašu pūrs
• Cjapku pūrs

Dzeivuotuoji

Cyblys pogostā dzeivoj 923 ļauds.

Solys

Cyblys pogosta ļauds dzeivoj 29 soluos.

Saimisteiba

Transports i saiteibys

Pogosta teritoreju vaļsteibys zeimeibys celi naškārsoj, sative nūteik pa nazcik vītejuos zeimeibys celim. Taipoš pogostu naškārsoj nivīna dzeļžaceļa lineja. Tyvuokuo staceja „Vysnova” linejā Krystapiļs—Sīnuoja 10 kilometru nu pogosta centra.

Cyblys pogosta teritoreju apkalpoj vīna posta atdale „Cybla” (LV-5709).

Slavvītys

• Cyblys nūvoda muzejs
• Cyblys vydsskūlys nūvodtiemeibys muzejs
• Eversmuižys muiža i parks
• Eversmuižys Svātuo Andryva Romys katuoļu bazneica
• Evrersmuižys kulturviesturis i dobys styga